Elkartearen bizia
Elkartea
Urruñako IKASTOLA guraso guztiek osatzen duten elkarteak kudeatzen du: langileak enplegatzen ditu, lokalak kudetazen ditu eta eskolako bizia eta eskolaldi ingurua antolatzen eta finantziatzen du.
Gurasoen parte hartze aktiboak harremanak sortzen ditu eta elkartasun adibide bikaina da haurrentzat.
Bulegoa
Elkartea bulego batek kudeatzen du: lehendakari bat, bi diruzain eta idazkari bat. Bulegoak gai administratiboak (seaskarekin harremanak, podere publikoak, bazkide sariak, izen emateak…) eta elkartean egunerokoak kudeatzen ditu.
Hilabetean behin elkartzen da erakasle eta langileen ordezkari batekin.
Batzordeak
Elkarteak batzorde ezberdinak dauzka, bakoitzaren gogo eta gaitasunen arabera osatuak (denek gonbidatuak dira taldelan batean izena emaiteko).
Besta Taldea ITURRUTXA
Ekintzak antolatzen ditu dirua biltzeko, ikastolak dituen beharrak finantziatzeko (ateraldiak, materiala..). Guraso guztiek parte hartzen dute antolatutako ekintza ezberdinetan.
GARAPENA
Urruñako ikastolako sustapen eta garapena lantzen du: ate-idekiak, guraso berrien harrera..
EUSKARAZ BIZI
Euskararen erabilpena indartzeko eta garatzeko ikastolan eta kanpoan.
MANTENU
Lokalak konpondu eta mantentzen ditu. Brikolajean, iturgintzan, elektrikan eta hargintzan adituak diren gurasoek osatzen dute.
HEZKUNTZA TALDEA
Gogoetak eramaten ditu hezkuntza inguruko problematikak lantzeko, ikastolan edo etxean. Guraso, erakasle eta langileak osaturik.
HERRI URRATS
Urruñako ikastolan jantzi salmenta segurtatzen du eta Herri Urratseko batzordearekin lotura egiten du.
IKASTOLEN KONTSEILUA
Ikastola guzietako ordezkariak biltzen ditu, federazioaren norabide nagusiak finkatzen ditu: norabidea, aurrekontuak… Urruñako ikastolako ordezkariek bozkatzen dute ikastolaren izenean.
INTEGRAZIO BATZORDEA
Ikastoletan ahalmen urriko haurren eskolatzea sustatzea, banakako proiektuak bideratzen eta segitzen lagunduz. Beren hezkuntza behar bereziei egokitutako erantzunak ekartzea eta eskolatze horien finantzamenduan parte hartzea.
EGOITZA
Ikastola bakoitzaren beharrak lantzen ditu eta lehentasunak finkatzen. (seaskari lotua, lokalak eta eraikuntzak kudeatzeko)
Biltzar nagusia
Elkartea biltzar nagusian biltzen da urtean zehar. Bulegoak aurrekontuak eta ikastolako norabideak aurkezten ditu. Gurasoek hitza hartzeko eta eztabaidatzeko parada dute.
